Корона: вирус жылмакай беттерде канчалык көп жашайт

Австралиялык окумуштуулар коронавирус жылмакай беттерде, уюлдук телефондордо, кагаз акчада мурун айтылгандан көбүрөөк жашайт деп далилдеген. Жашоо мөөнөтү температурадан көз каранды.

Жылмакай беттерде, уюлдук телефондордун, банкоматтардын бетинде коронавирус 28 күнгө чейин жашашы мүмкүн. Бул "Вирусология журналында" (Virology Journal) өткөн дүйшөмбүдө (07.10.2020)чыккан Csiro илимий агентствосунун изилдөөсүнүн натыйжасы.

Козгогучтун тирүү калышы температуралык режимден өтө көз каранды. Температура канчалык жогору болсо, ошончолук вирустун жашоо мөөнөтү жылмакай беттерде кыскарат. 30 градуста анын жашоо мөөнөтү жети күн, 40 градуста болсо 24 эле саат болот. Көңдөйлүү беттерде, мисалы чыт кездемелерде, анын жашоосуу дагы эле изилденүүдө.

Айнектин үстүндө жашоо мөөнөтү изилдөөнүн өтө маанилүү ачылышы болду. Анткени смартфондор, банкоматтар, супермаркеттеги өз өзүн тейлөө кассалары, автоматтарда жана аэоропорттордогу айнек беттери көбүнчөсүн анчалык көп тазаланып жуулбайт. Ошондуктан мурунку эреже иштейт: колду улам жууп жана ар кандай үстү беттерди тазалоо.

"Хайнсберг" немис изилдөөнүн далилдери:

Мурда "Hainsberg Studie" (Хайнсберг изилдөөсү) аттуу изилдөө иши үстү беттер аркылуу жайылуу коркунучу аз. Вирусолог Хендрик Стрик Германиянын маалымат агентствосуна айтуусу боюнча, үстү беттер вирустун таралышында кичинекей ролду ойноду. Бул ошол Хайнсберг изилдөөнүн Бонн университетинин гигиена тармагындагы адистер менен кошо 2020 жылдын жазында жазылган натыйжа болду.

Гангельт шаарындагы карантин үйлөрдөгү беттердин үстүнөн алынган мазоктордо 119 үлгүнүн ичинен төрт эле үлгүдө табылды. Бул сандын тууралыгын чектөөчү фактылар бар, алар адамдардын карантин убагында көп жана улам тазалап жүргөнүн айтты. Демек натыйжалар туура эмес болушу мүмкүн.

URL: https://virologyj.biomedcentral.com/articles/10.1186/s12985-020-01418-7